 |
وصفتي للتبيض لي مكتخطانيش ديروها وتفكروني |
لسلام عليكم ورحمة الله وبركاتة
هادي او ل وصفة كنشارك بيها
والحمد لله من نهار جربتها او هي مكتخطانيش
او جبتها ليكم حتى انتوما ديروها
ولي دارتها تدعي معايا ربي يسر ليا كل صعب
ويرزقني ويرزقكم عمرة ان شاء الله وشي راجل ديال الزمان نخليكم مع المقادير
200 غرام سكر كلاصي قرعة ماء ورد باكية غاسول ابيض صابونة ديال الكف صغيرة باكية الخميرة ديال الحلور صغيرة
الطريقة تاخدي الصابونة وضروري تكون ديال الكف تقطعيها لتلاث قطع متساوية وتاخدي جوج ديال القطع وتحكيهم فالحكاكة ديال اليد ديال مطيشة وديري الصابون المحكوك فمولينيكس ‘والطرف لي شاط خليه للمرة الجاية’ من بعد ضيفي الغاسول والخميرة وماء ورد والسكر وخلطي حتى الحصول على كريم بحال نيفيا وحطيها فشي قرعة ولا شي علبة زجاجية او وضعيها في الثلاجة حطيها على وجهك او خليها حتى تنشف او من بعد غسليها وبقاي تستعملي الخليط مرة فالصباح او مرة قالعشية والنتيجة ان شاء الله غتبان من اول استعمال نتمنى تستعملوها حيت هي كتبيش او كتنقي الوجه او كتعطيه نظارة ايوا متنساوش الدعيوات الله انقي وجوهكم وصفيحاتنا وصفيحاتكم من الدنوب مع تحياتي.