 |
وصفتي |
انا بشرتي بيضاء جدا تبار ك الله
انا لوني ابيض لكن انا كنستعمل وصفات طبيعية باش نعطي لوجهي نضارة وبياض لا متيل لهما
والسر هو هاد الوصفة اللي عادي نعطيكم و المكونات طبيعية ومتوفرة و رخيصة
ماسك لتبييض البشرة
كنحتاجو ل 4 او 5 معالق كبار ديال نخالة القمح ( النخالة تكون ناعمة يعطي مطحونة مزيان )
كنحتاجو لماء البابونج ايلا بشرتك حساسة
او ماء الورد للبشرة الدهنية
او الحليب دافئ للبشرة الجافة
اختي على حساب البشرة ديالك
في زلافة كتخلطي النخالة + المكون الاخر على حساب البشرة ديالك و تخلطي حتى كتفزاg النخالة مزيان ( يعني ما كتبقاش ناشفة و ما خاصهاش تكون جارية لانها عادي توضع ماسك على البشرة )
كتخلطيها مزيان كتخليها ترتاح الشي 5 ساعات او اكتر حتى النخالة كتولي رطبة
من بعد كطبقيها ماسك للوجه و كتخليها الشي 20 دقيقة تقريبا ممكن تستعمليها لديك
من بعد كتغسلي وجهك بالماء دافئ و كتنشفيه مزيان
و كتمسحيه بماء البابونج ( البابونج معروف عليه انه كيفتح البشرة )
طريقة صنع ماء البابونج
كاس العنبة ماء + ملعقة كبيرة البابونج و كتعمليهم في اناء على نار مهيلة جدا و كتغطيه و كتخليه 20 دقيقة , كتزوليه من فوق النار و كتخليه يبرد , ملي كيبرد كتعمليه في مكعبات التلج اللي عندنا في التلاجة
كل صباح كناخدي مكعب كتعمليه في كاس وكتخليه حتى يدوب و كتاخدي قطنة كتغمسيها في ماء البابونج و كتدوزيها على وجهك و كتخليه ينشف على خاطرو
استعملي هاد الطريقة 3 المرات في اليوم
و الماسك 2 المرات في الاسبوع
اختي خاصك داومي عليها لان هاد الوصفة كتبيض البشرة وكتعطيها اشراقة لا متيل لها و كتصفي الوجه من اتار الحبوب و كتحيد les taches brunes لكن خاص المداومة
بهاد 2 الوصفات عادي توليو كتقشعو بالبياض