، حضرت ليكم حريرتي اللي بنينة بشهادة اللي ذاقها عندي هههه ، هي الصراحة حريرة علمتهالي ماما الله يخليها لي.
إوا المهم نبداو، أول حاجة غانحتاجو للبصل ، اللحم مقطع والعظم يعطي البنة ، الحمص مفز ك ومفرك (أنا ستاعملت الحمص مسلوق ديال العلبة ) ، طماطم مطحونة بقشرها ( أنا ستاعملت طماطم ديال العلبة )
القزبر و المعدنوس ، الكرافس ، العدس (أنا ماكانش عندي) ، طماطم مصبرة، ملح إبزار ، سكينجبير ، خر قوم، كروية و قرفة(هادو سر لبنة ) ،ضامة لبنة ديال سمن أو سمن أو بجووج ، ضويمة زعفران ، ضامة لبنة بقري أو دجاج ، شعرية أو روز ، الطحين حريرتي لذتها بالصور
أولا نحكو البصل ونذيرو معاه لحم ، ولملح و ضامة لبنة ديال سمن أو سمن أو بجووج ، ونديرو الغطا ونخليوها على عافية مهيلة شوية
و نزيد التوابل ، كاندير ليبزار ، سكينجبير (قياس ٢ معلق صغار عامرين) ، خر قوم (قياس ٢ معلق صغار عامرين)، كروية (قياس ٢ معلق صغار عامرين) ، قرفة (١ ملعقة صغيرة ماعامراش) ، ضويمة زعفران، نزيد العدس و الحمص (أنا عندي طايب ) نحركه ونخليو شوية مغطي نزيد الطماطم
نزيد
الربيع مطحون
كرافس مطحون
ونزيد لما ونسدو الكوكوت من تبدا تصفر نقص عليها ونخليها حتى يطيب اللحم و الحمص .
نحضر تدويره ندير الطحين
ونضيف ليه ألما ونحركه مزيان بالضراب ، ونزيد عليه طماطم مصبرة
ومين نحله الكوكوت نزيد عليها الحمص (إلى كان ديال العلبة )
التادويرا
و ضامة لبنة بقري أو دجاج ، ونحركه مزيان ونخليه على عافية مهلة مع تحرك مرة مرة مدة ٢٠ دقيقة تقريبا ، نزيد الشعرية أو الروز
ونخليو يطيب ، و قبل مانتفيو النار نضيف القزبر والمعدنوس مقطع أو نكونو خلينا شوية من هداك اللي طحنا في الأول
